एभरेस्ट प्रिमियर लिग (इपिएल) मा विराटनगर वारियर्स लगातार चौथो खेलमा पराजित भएसँगै बाहिरिएको छ।
विराटनगरलाई शनिबार भएको खेलमा पोखरा राइनोजले ७ विकेटले हरायो।
पहिले ब्याटिङ गरेको विराटनगरले ५ विकेटको क्षतिमा १७२ रन जोड्यो। विराटनगरका लागि आसिफ शेखले ४४ रन जोडे।
शिकन्दर राजाले २० बलमा २९ रन, सन्दीप रजालीले नटआउट २८ रन र कप्तान करण केसीले नटआउट २४ रन जोडे।
बलिङमा पोखराका विक्रम शोवले २ विकेट लिए।
१७३ रनको लक्ष्य पोखराले १७.४ ओभरमा ३ विकेटको क्षतिमा पूरा गर्यो। पोखराका लागि रिचार्ड लेभीले ४७ रन जोडे।
सहान अराचसिगेल ४३ रन जोड्दा असेला गुणरत्नले २४ बलमा नटआउट ५० रन जोडे।
जितसँगै पोखरा ४ खेलबाट ५ अंक जोड्दै दोस्रो स्थानमा उक्लिएको छ। शीर्ष स्थानको चितवनको ३ खेलबाट ६ अंक छ।
