आइसिसी टी-२० विश्वकपमा अफगानिस्तानले दोस्रो जित हात पारेको छ। आइतबार भएको खेलमा अफगानिस्तानले नामिबियालाई ६२ रनले पराजित गरेको हो।
सुपर १२ अन्तर्गत समूह २ को खेलमा पहिले ब्याटिङ गरेको अफगानिस्तानले ५ विकेटको क्षतिमा १६० रन जोड्यो।
उसका लागि मोहमद साहजादले ४५ रन जोड्दा हर्जातुल्लाह जलालले ३३ रन, अस्गर अफगानले ३१ रन र मोहमद नाबीले ३२ रनको योगदान दिए।
१६१ रनको लक्ष्य पछ्याएको नामिबियाले ९ विकेटको क्षतिमा ९८ रन मात्र जोड्यो।
उसका लागि डेभिड विइसेले २६ रन जोड्दा अन्य ब्याट्सम्यान सस्तैमा आउट भए।
बलिङमा अफगानिस्तानका नवीन उलहकले र हमीद हसनले ३-३ विकेट लिए। गुल्बादिन नाइबले २ विकेट लिँदा रासिद खानले १ विकेट लिन सफल भए।
