क्रिकेट खेलाडी कविता गौतमलाई क्रिकेट खेलाडी संघ नेपाल (सिप्यान) ले आर्थिक सहयोग गर्ने घोषणा गरेको छ।
चोटका कारण मैदान बाहिर रहेकी गौतमलाई एक लाख रुपैयांँ सहयोग गर्ने सिप्यानले जनाएको छ।
आर्थिक अवस्था कमजोर रहेका कारण उपचार गर्न समस्या भएको सार्वजनिक भएपछि सिप्यानले सहयोगको घोषणा गरेको हो।
'महिला क्रिकेट खेलाडी कविता गौतमको जीवन काहानी र चोटका विषयमा पछिल्लो समयमा सामाजिक सञ्जालबाट प्राप्त समाचार प्रति ध्यानाकर्षण भएको छ,' सिप्यानका अध्यक्ष डा मनिषराज पाण्डे र महासचिव पारस खड्काले निकालेको संयुक्त विज्ञप्तिमा भनिएको छ।
'कविता गौतमको उपचारका लागि संघको तर्फबाट रु. एक लाख रुपैयाँ सहयोग गर्ने जानकारी गराउदछौं। यसका साथै निजको उपचारका लागि अस्पताल र चिकित्सकहरुसँग क्रिकेट खेलाडी संघ नेपालले आवश्यक परामर्श र समन्वय गर्ने प्रतिवद्धता समेत व्यक्त गर्दछौं।'
