क्रिकेट अम्पायर्स एन्ड स्कोरर्स एसोसिएसन अफ नेपालको अध्यक्षमा सत्यजित सरकार निर्वाचित भएका छन्।
शनिबार भैरहवामा सम्पन्न पहिलो साधारणसभाले सत्यजित सरकारको अध्यक्षतमा नयाँ कार्यसमिति चयन गरेको हो।
सरकारले ४४ मत प्राप्त गर्दा उनका निकटतम प्रतिद्वन्द्वी समिर खानले २२ भोट ल्याए।
उपाध्यक्षमा लक्ष्मणनाथ योगी विजयी भएका छन्। उनले ४३ मत प्राप्त गरे। उनका निकटतम प्रतिद्वन्द्वी बासुदेवलाल कर्णले २३ भोट ल्याए। मनमोहन लम्सालले उपाध्यक्षमा दिएको उम्मेदवारी फिर्ता लिएका थिए।
सचिवमा मनोहर अधिकारी ३४ मत ल्याएर विजयी भएका छन्। सचिवमा २ मतले पछि परेका मेहबुब रेजाले ३२ भोट ल्याए।
कोषाध्यक्षमा हिमालराज गिरी निर्विरोध चयन भए।
सदस्यहरूमा मागिराज शर्मा (प्रदेश १), निरजकुमार सिंह (प्रदेश २), सुरज शाक्य (बागमती), सञ्जयकान्त सिग्देल (गुण्डकी), मञ्जुल भट्टराई (लुम्बिनी), महेश बोहरा (सुदूरपश्चिम) र सुनिता नेपाली निर्विरोध चयन भए।
