१५औं संस्करणको इन्डियन प्रिमियर लिग आइपिएलका लागि दिल्ली क्यापिटल्सले खेलाडी रिटेन र रिलिजको काम सकिएको छ।
दिल्लीले कप्तान ऋषभ पन्तसहित अक्षर पटेल, पृथ्वी शा र एनरिक नोर्टजेलाई रिटेन गरेको छ ।
यस्तै पूर्वकप्तान श्रेयस अय्यरसहित शिखर धवन, कागिसो रबाडा, रवीचन्द्रन आश्विन, मार्कस स्टोइनिस, स्टिभ स्मिथ जस्ता आईपीएलका सफल र अनुभवी खेलाडीलाई रिलिज गरेको छ ।
रिलिज गरिएका खेलाडी अब अक्सनमा जानेछन् ।
ऋषभ पन्तको कप्तानीमा रहेक दिल्लीले पछिल्लो संस्करणको फाइनल खेलेको थियो। फाइनलमा चेन्नई सुपर किंग्सले दिल्लीलाई हराएको थियो।
आउँदो सिजनको आईपीएल अक्सन फेब्रुअरीमा हुने सम्भावना रहेको छ।
अहमदाबाद र लखनउसहित यो पटक आईपीएलमा १० टिमले भाग लिँदैछन्।
यी हुन् दिल्लीले रिलिज गरेको खेलाडीहरू
शिखर धवन, अजिंक्य रहाणे, श्रेयस अय्यर, आवेश खान, मार्कस स्टोइनिस, कागिसो रबाडा, रिपल पटेल, शिमरोन हेटमायर, स्टिभ स्मिथ, अमित मिश्रा, इशान्त शर्मा, रवीचन्द्रन आश्विन, उमेश यादव, टम करन, साम बिलिङ्स, ललित यादव, ड्वेन द्वारह्युज, लुकमान मेरिवाला, प्रवीण दुवे, कुलवन्त खेजडोलिया र विष्णु विनोद ।
