भारत आइसिसी टेस्ट टिम वरीयताको शीर्ष स्थानमा उक्लिएको छ। सोमबार सकिएको न्युजिल्यान्डविरूद्धको दोस्रो टेस्टमा जित हात पारेसँगै भारत वरीयताको शीर्ष स्थानमा उक्लिएको हो।
मुम्बईमा भएको दोस्रो टेस्टमा भारतले चौथो दिनमा नै जित निकाल्ने क्रममा न्युजिल्यान्डलाई सोमबार ३७२ रनले पराजित गरेको थियो।
यसअघि पहिलो टेस्ट बराबरीमा सकिएको हुँदा भारतले दुई खेलको टेस्ट सिरिज १-० ले आफ्नो पक्षमा पार्यो।
वरीयताको शीर्ष स्थानको भारतको १२४ रेटिङ अंक छ। दोस्रो स्थानमा झरेको न्युजिल्यान्डको १२१ रेटिङ छ।
अस्ट्रेलिया तेस्रो स्थानमा छ भने इंग्ल्यान्ड चौथो र पाकिस्तान पाँचौ स्थानमा छन्।
दक्षिण अफ्रिका छैटौं, श्रीलंका सातौं, वेस्ट इन्डिज आठौं, बंगलादेश नवौं र जिम्बावे दशौं स्थानमा छन्।
