नेपाली राष्ट्रिय टिमका लेगस्पिनर सन्दीप लामिछानेले सिजनको बिग ब्यास लिगको पहिलो खेलमा एक विकेट लिएका छन्।
होबार्ट हरिकेन्सका बलर सन्दीपले सिड्नी सिक्सर्सविरूद्ध चार ओभर बलिङ गर्दा २४ रन खर्चिए। यसक्रममा उनले ९ बल डट फ्याँके भने तीन चौका दिए।
सातौं ओभरमा बलिङमा आएका सन्दीपले सो ओभरमा तीन रन मात्र दिए। नवौं ओभरमा सन्दीपले एक विकेट लिँदा तीन रन दिए। उनले डान क्रिस्टयनलाई ५ रनमा क्याच आउट गरेका थिए।
११औं ओभरमा सन्दीपले एक चौकासहित ७ रन दिए। १३औं ओभरमा भने सन्दीपले ११ रन खर्चिए। यो एओभरमा उनले दुई चौका बेहोरेका थिए।
टस हारेर पहिले ब्याटिङ गरेको सिड्नीले होबार्टविरुद्ध खराब ब्याटिङ गरेको छ। १५ ओभरमा ५ विकेट गुमाएको सिड्नीले ९७ रन जोडेको छ।
होबार्टले सिजनमा पहिलो खेल खेलेको हो।
