रोनाल्डोबिनै मैदानमा उत्रिएको पोर्चुगलले साउदी अरेबियालाई हराएको छ। अन्तर्राष्ट्रिय मैत्रिपूर्ण फुटबल अन्तर्गत शुक्रबार राति घरेलु मैदानमा भएको खेलमा पोर्चुगलले भ्रमण टोली साउदी अरेबियालाई ३–० ले हराएको हो।
पोर्चुगलको जितमा म्यानुएल फर्नान्डेस, गोन्कालो गुएडेस र जोएओ मारिओले गोल गरेका थिए। आउँदो वर्ष रुसमा हुने विश्वकपका लागि छनोट भइसकेका यी दुई टोलीबीच मैत्रीपूर्ण खेल भएको हो।
पोर्चुगलले आउँदो शनिबार अमेरिकासँग मैत्रिपूर्ण खेल खेल्नेछ ।
