आगामी वर्ष रूसमा हुने विश्वकप फुटबलको तयारी स्वरूप भएको मैत्रिपूर्ण खेलमा अर्जेन्टिनाले आयोजक रूसलाई हराएको छ।
मस्कोमा भएको खेलमा विश्वकप आयोजक रुससँग शनिबार राति अर्जेन्टिना १–० ले विजयी भएको हो। अर्जेन्टिनालाई जिताउन खेलको अन्तिम समयमा सर्जिओ अग्युरोले निर्णायक गोल गरे। कप्तान मेसीसहितको टिम अर्जेन्टिनालाई रूसले खेलको अन्तिम समयसम्म पनि रोकेको थियो।
अर्जेन्टिनाका कयौ प्रहार रूसी गोल रक्षकले विफल बनाइदिएका थिए। खेल सकिन ४ मिनेट बाँकी हुँदा अग्युरोले दोस्रो प्रयासमा टिमका लागि विजयी गोल गरे।
