इंग्लिस प्रिमियर लिग फुटबल अन्तर्गत बुधबार राति भएको खेलमा आर्सनलले हडल्र्सफिल्डमाथि चार मिनेट भित्रै तीन गोल गर्दै शानदार जित दर्ता गरेको छ।
घरेलु मैदानमा भएको खेलमा आर्सनलले हडल्र्सफिल्डलाई ५–० ले हराउँदै अंक तालिकाको चौथो स्थानमा उक्लिएको हो।
आर्सनलको जितमा ओलिभर जिरउडले दुई तथा एलेक्जेन्डर लेकाजेट, एलेक्स सान्चेज र मेसुट ओजिलले एक एक गोल गरे। पहिलो हाफमा १ गोल गरेको आर्सनलले दोस्रो हाफमा थप चार गोल गर्यो।
खेलको तेस्रो मिनेटमा लाकाजेटले गरेको गोलबाट खेलमा अग्रता लिएको थियो। ६८ औं मिनेटमा जिरउडले व्यक्तिगत पहिलो गोल गर्दै आर्सनलको अग्रता दोब्बर पारे। त्यसको एक मिनेटपछि सान्चेज तथा ७२ औं मिनेटमा ओजिलले गोल गर्दै आर्सनललाई ४–० को अग्रता दिलाए । ६८ देखि ७२ औं गरी चार मिनेट भित्रमा तीन गोल भयो। ८७ औं मिनेटमा जिरउडले व्यक्तिगत दोस्रो गोल गरेपछि आर्सनलले ५–० को जित निश्चित गरेको हो।
जितपछि आर्सनलको १४ खेलबाट २८ अंकसहित अंक तालिकाको चौथो स्थानमा पुगेको छ। तेस्रो स्थानमा रहेको चेल्सीको १४ खेलबाट २९ अंक भएको छ भने दोस्रो स्थानमा रहेको म्यान्चेष्टर युनाइटेडको ३२ र शीर्ष स्थानमा रहेको म्यान्चेष्टर सिटिको ४० अंक छ।
https://www.youtube.com/watch?v=1vmhLprZYBg
