स्पेनिस ला लिगा फुटबलमा सोमबार राति भएको खेलमा स्पानियोल विजयी भएकाे छ। स्पानियोलले रेलिगेसन जोनमा रहेको मालागालाई १ – ० ले पराजित गरेको हो।
मालागाको घरेलु मैदानमा भएको खेलमा स्पानियोलका लागि निर्णायक गोल सर्जी डारडेरले गरेका थिए। पहिलो हाफको छैटौं मिनेटमा सर्जीले गरेको गोल स्पानियोलको जितमा प्रयाप्त रह्यो । घरेलु मैदानमा बल पोजिसनमा पकड जमाएपनि मालागाले गोल गर्न सकेन।
मालागाले दुई दर्जन बढी पोष्ट आक्रमण गरेको थियो तर, गोल गर्न नसक्दा घरेलु टोलि साँघुरो हार बेहोर्न बाध्य भयो ।
यो जितसँगै स्पानियोलले १८ खेलबाट २३ अंक जोडेको छ। स्पानियोल लिगको १४ औं स्थानमा छ। पराजित मालागा ११ अंक जोडेर पुछारबाट दोस्रो स्थानमा छ। लिगको शिर्ष स्थानमा बार्सिलोना र दोस्रो स्थानमा एथ्लेटिको मड्रिड रहेका छन्।
