फ्रेन्च लिग लिडर पेरिस सेन्ट जर्मन (पिएसजी) आइतबार राति भएको खेलमा लियोनसँग २ – १ ले पराजित भएको छ। यससँगै पिएसजीले याे सिजनमा लिगमा बेहोरेको दोस्रो हार हाे।
लियोनलाई घरेलु मैदानमा जित दिलाउन नबिल फिकिर र मेम्फिस डिपेले एकएक गोल गरेका थिए। पिएसजीका लेभिन कुर्जावाले एक गोल फर्काए।
लियोनले पहिलो हाफको दोस्रो मिनेटमा फिकिरको गोलबाट सुरुवाती अग्रता बनाएको थियो। तर, नेयमारबिना मैदान उत्रेको पिएसजीले खेलको ४५ औं मिनेटमा बराबरी फर्कायो। पिएसजीका कुर्जुवाले गोल गर्दै खेल १ – १ को बराबरीमा ल्याएका थिए ।
दोस्रो हाफमा पिएसजी १० खेलाडीमा सिमित भयो। खेलको ५७ औं मिनेटमा ड्यानियल अल्भेसले रातो कार्ड खादै मैदानबाट बाहिरिँदा पिएसजी १० खेलाडीमा सीमित भएको थियो। त्यसपछि खेलको ९० औं मिनेटमा डिपेले गोल गर्दै लियोनलाई २ – १ को महत्वपूर्ण जित दिलाए। डिपे म्यान्चेस्टर युनाइटेडबाट पिएसजी गएका हुन्।
पिएसजी ५६ अंकसहित शिर्ष स्थानमा यथावत रहेको छ। त्यस्तै यस जितपछि लियोन फ्रेन्च लिगको दोस्रो स्थानमा उक्लिएको छ, लियोनले ४८ अंक जोडेको छ। तेस्रो स्थानको मार्सेलीको ४७ अंक छ।
