भारतीय फुटबल टोलीका कप्तान सुनिल क्षेत्रीले इन्डियन मोस्ट स्टाइलिस स्पोर्टस अवार्ड जितेका छन्। भारतीय क्रिकेट टोलीका कप्तान विराट कोहलीलाई पछि पार्दै सुनिलले हिन्दुस्तान टाइम्सले दिने मोस्ट स्टाइलिस अवार्ड २०१८ जितेका हुन्।
सुनिल सन् २०१७ भर मैदान भित्र र बाहिर छाइरहेका सुनिलकै प्रेरणदायी प्रदर्शनबाट भारतीय फुटबल टोली झन्डै दुई दशक यता फिफा वरियताको शीर्ष सयौं स्थान भित्र पर्न सफल भएको छ।
भारतलाई एएफसी कप २०१९ मा छनोट गराउन पनि सुनिलको भूमिका महत्वपूर्ण रह्यो।
हाल खेलिरहेका मध्ये अन्तर्राष्ट्रिय फुटबलमा सुनिल क्षेत्री सर्वाधिक गोलकर्ताको सूचीमा पाँचौं स्थानमा छन्। सूचीको पहिलो स्थानमा पोर्चुगलका क्रिस्टियानो रोनाल्डो र दोस्रो अर्जेन्टिनाका लियोनल मेसी छन् ।
बेंगलुरू एफसीबाट क्लब फुटबल खेल्ने उनले ७ गोल गर्दै यो वर्ष सुपर लिगमा सर्वाधिक गोल गर्ने खेलाडीको सूचिमा शीर्षस्थानमा छन्।
