म्यानचेस्टर युनाइटेड न्यूकासलसँग पराजित भएको छ। इंग्लिश प्रिमियर लिग फुटबलमा दोस्रो स्थानको रहेको युनाइटेड आइतबार राति भएको खेलमा न्युकासल युनाइटेडसँग १-० ले स्तब्ध भएको हो।
घरेलु मैदानमा भएको खेलमा न्युकासलको लागि एक मात्र गोल माट रिट्चीले गरेका थिए। पहिलो हाफ गोलरहित बराबरीमा सकिएको खेलको दोस्रो हाफको ६५औं मिनेटमा रिट्चीले गोल गर्दै न्युकासललाई महत्वपूर्ण जित दिलाए।
म्यानचेस्टर युनाइटेडले गोलको केहि अवसर खेर फालेको थियो । बल पोजिसनमा पकड जमाएपनि गोल गर्न नसक्दा म्यानचेस्टर युनाइटेडले हार बेहोर्दै लिग लिडर सिटीसँगको अग्रता घटाउने मौका गुमायो।
सिटीभन्दा युनाइटेड १६ अंकले पछि छ। लिग लिडर सिटीको ७२ अंक रहँदा युनाइटेडको ५६ अंक छ।
