इङ्गिस प्रिमियर लिग फुटबलमा शीर्ष स्थानको म्यानचेस्टर सिटीले आफ्नो विजयी यात्रा कायमै राखेको छ। लिग अन्तर्गत आइतबार राति चेल्सीलाई १-० ले हराउँदै सिटीले आफ्नो विजयी यात्रा कायम राखेको हो ।
घरेलु मैदानमा चेल्सीमाथि जित निकाल्न सिटीको लागि बेर्नार्डो सिल्भाले निर्णायक गोल गरे।
पहिलो हाफ गोलरहित बराबरीमा सकिएको खेलको ४६ औं मिनेटमा सिल्भाले गोल गर्दै सिटीलाई १-० को संघर्षपूर्ण जित दिलाए ।
साबिकको विजेता समेत रहेको चेल्सीले घरेलु टोलीमाथि केही गोल गर्ने मौका खेर फालेको थियो।
यो जितसँगै सिटीले लिगमा १८ अंकको अग्रता बनाएको छ। प्रिमियर लिगमा यो सन् २००६ पछिको सर्वा्धिक उच्च अंकको अग्रता हो। सिटीले २९ खेलबाट ७८ अंक जोडेको छ। लिगको दोस्रो स्थानको लिभरपुलको ६० अंक छ। पराजित चेल्सी ५३ अंक जोडेर लिगको पाँचौ स्थानमा छ। ऊ चौथो स्थानको टोटनह्याम भन्दा पाँच अंकले पछि परेको छ।
