नेपाली राष्ट्रिय टोलीका गोलकिपर किरण चेम्जोङ सम्मिलित टोली मिनेर्भा पञ्जावले भारतीय आइ लिगको उपाधि जितेको छ। बिहीवार भएको अन्तिम लिग खेलमा चर्चिल ब्रदर्शलाई १-० ले हराउँदै मिनेर्भाले च्याम्पियन लिग जितेको हो।
घरेलु मैदान तउ देवी लाल स्टेडियममा भएको खेलमा मिनेर्भालाई जिताउन खेलको१६औँ विलियम ओपोकुले गोल गरे। लिगको १८ खेलबाट ११ जितसहित ३५ अंक जोडेको मिनेर्भाले उपाधि रक्षा गरेको हो।
यस्तै दोस्रो स्थानमा नेरोका रह्यो। उसले १८ खेलबाट ३२ अंक बटुल्यो।
नेपालकै अर्का खेलाडी विमल घर्ती मगरको टोली मोहन बगान अन्तिम खेलमा गोकुलम केरलासँग १-१ को बराबरीमा रोकिदै तेस्रो स्थानमा लिग टुंग्यायो।
किरण गत जनवरीमा मिनेर्भा पञ्जावमा अनुबन्ध भएका थिए।
