कोपा इटालियाको सेमिफाइनलको पहिलो लेगमा एसी मिलान र इन्टर मिलानले गोलरहित बराबरी खेलेका छन्।
मिलानोमा मंगलबार राति भएको मिलान डर्वीको सेमिफाइनल प्रतिस्पर्धात्मक र रोमाञ्चक बनेको थियो।
खेलमा दुवै टोलीले गोलका केही राम्रा अवसर सिर्जना गरे पनि सदुपयोग गर्न नसक्दा खेल गोलरहित बराबरीमा सकियो।
यो बराबरीसँगै दुवै टोलीको फाइनल पुग्ने सम्भावना जिवितै रहेको छ। अब दोस्रो लेगमा सफलता हात पार्ने टोलीले कोपा इटालियाको फाइनलमा प्रवेश गर्नेछ।
दोस्रो लेग आगामी अप्रिल २० मा हुनेछ।
