इंग्लिस प्रिमियर लिगमा लिभरपुलले वेस्ट ह्यामविरूद्ध महत्वपूर्ण जित निकाल्दै शीर्ष स्थानको म्यानचेस्टर सिटीमाथिको दूरी छोट्याएको छ।
दोस्रो स्थानमा रहेको लिभरपुलले गए राती घरेलु मैदान एनफिल्डमा वेस्ट ह्यामलाई १-० गोल अन्तरले हराएको हो।
लिभरपुलको जितमा साडियो मानेले निर्णायक गोल गरे। उनले खेलको २७औं मिनेट गोल गरेका थिए।
जितसँगै लिभरपुलको २७ खेलबाट ६३ अंक छ। शीर्ष स्थानको सिटीको समान खेलबाट ६६ अंक छ। पराजित वेस्ट ह्याम २८ खेलबाट ४५ अंक सहित पाँचौ स्थानमा छ ।
