चेल्सीले रेलिगेशन जोनमा रहेको नर्विच सिटीमाथि सहज जित निकालेको छ।
इंग्लिस प्रिमियर लिग फुटबल अन्तर्गत बिहीबार राति भएको खेलमा चेल्सीले नर्विच सिटीलाई ३-१ गोल अन्तरले हराएको हो ।
खेलको तेस्रो मिनेटमा ट्रेभो चालोबहले गोल गर्दै चेल्सीलाई सुरूआती अग्रता दिलाएका थिए। मासन माउन्टको पासमा उनले गोल गरेका थिए। त्यसपछि खेलको १४ औं मिनेटमामासन माउन्टले गोल गर्दै चेल्सीको अग्रता दोब्बर पारे।
पहिलो हाफमा २-० ले अग्रता बनाएको चेल्सीले दोस्रो हाफमा थप एक गोल गर्यो।
खेलको ६९ औं मिनेटमा टिमु पुकीले पेनाल्टीबाट गोल गर्दै नर्विचलाई खेलमा फर्काउने कोशिस गरे।
तर खेलको अन्तिम समयमा काइ हार्भट्जए गोल गर्दै चेल्सीलाई ३-१ को स्पष्ट जित दिलाए ।
यो जितसँगै चेल्सीले २७ खेलमा ५६ अंक जोडेको छ। तेस्रो स्थानमा रहेको चेल्सीले दोस्रो स्थानको लिभरपुलसँग अंक दूरीसमेत छोट्याएको छ।
लिभरपुलले समान खेलबाट ६३ अंक जोडेको छ। शीर्ष स्थानमा रहेको म्यान्चेष्टर सिटीले ६९ अंक बनाएको छ।
चेल्सीसँग पवराजित नर्विच १७ अंक जोडेर तालिकाको पुछारमा छ।
