इंग्लिस प्रिमियर लिग फुटबलमा चेल्सीले रोमाञ्चक जित निकालेको छ।
आइतबार राति सम्पन्न खेलमा न्युकासल युनाइटेडमाथि १–० गोल अन्तरको संघर्षपूर्ण जित निकाल्दै चेल्सी तेस्रो स्थानमा ८ अंकको अग्रता बनाएको छ।
घरेलु मैदानमा चेल्सीलाई जिताउन काई हाभर्टजले निर्णायक गोल गरे।
पहिलो हाफ गोलरहित बराबरीमा सकिएको खेलको दोस्रो हाफको अन्त्यतिर चेल्सीले गोल गर्दै महत्वपूर्ण तीन अंक जोडेको हो।
हाभर्टजले खेलको ८९ औं मिनेटमा गोल गरेका हुन्।
यो जितसँगै २८ खेलमा ५९ अंक जोडेको चेल्सी लिगको तेस्रो स्थानमा यथावत् रहेको छ।
समान खेलबाट ६९ अंक जोडेको म्यानचेस्टर सिटी लिगको शीर्ष स्थानमा रहेको छ भने ६६ अंकका साथ लिभरपुल दोस्रो स्थानमा छ। चेल्सीले यो जितसँगै दोस्रो स्थानमा रहेको लिभरपुलसँग अंक दूरी छोट्याएको छ।
यता दुई खेल कम खेलेको आर्सनल ५१ अंकका साथ चौथो स्थानमा रहेको छ। पराजित न्युकासल ३१ अंक जोडेर १४ औं स्थानमा रहेको छ।
