इंग्लिस क्लब म्यानचेस्टर युनाइटेड एथ्लेटिको म्याड्रिडसँग पराजित हुँदै यूईएफए च्याम्पियन्स लिगबाट बाहिरिएको छ।
मंगलबार युनाइटेडको घरेलु मैदान ओल्ड ट्राफर्डमा १-० को जितका साथ एटलेटिको क्वार्टरफाइनलमा प्रवेश गर्दा युनाइटेट बाहिरियो।
दोस्रो लेगमा एट्लेटिकोकोलाई जिताउन रेनान लोडीले निर्णायक गोल गरे।
पहिलो लेग १-१ को बराबरीमा सकिएको हुनाले एटलेटिको समग्रमा २-१ को जितसँगै युनाइटेडलाई हराउन सफल भयो।
पहिलो हाफको ४१ औं मिनेटमा लिएको अग्रता नै एथ्लेटिककोका लागि पर्याप्त रह्यो।
अधिकांश समय बल नियन्त्रणमा राखे पनि युनाइटेडले गोल गर्न नसक्दा हार व्यहोर्नुपर्यो।
यता अर्को खेलमा अयाक्सलाई समग्रमा ३-२ ले पछि पार्दै बेन्फिका पनि अन्तिम आठमा प्रवेश गरेको छ।
