गलाटासरायलाई हराउँदै बार्सिलोना युरोपा लिगको क्वार्टरफाइनलमा पुगेको छ।
गए राती भएको अन्तिम १६ को खेलमा गलाटासरायमाथि २–१ गोल अन्तरको जित निकाल्दै बार्सिलोनाले अन्तिम ८ मा स्थान पक्का गरेको हो।
अन्तिम १६ को दोस्रो लेगमा बार्सिलोनालाई जिताउन गोन्जालेज लोपेज र पिएरे एमरिक औबामेयाङले गोल गरे।
खेलको २८ औं मिनेटमा टेक्सेरियाको गोलबाट गलाटासरायले सुरुआती अग्रता लियो। तर ३७ औं मिनेटमा लोपेजले गोल गर्दै खेललाई पहिलो हाफमा १-१ गोलको बराबरीमा ल्याए।
दोस्रो हाफको सुरूमै ४९ औं मिनेटमा औबामेयाङले गोल गर्दै बार्सिलोना अगाडि बढ्यो। यसपछि खेलमा अधिकांश समय बल पकड राखे पनि बार्सिलोनाले थप गोल गर्न सकेन। यद्यपी २-१ को जित नै उसका लागि अघिल्लो चरण प्रवेशका लागि पर्याप्त रह्यो।
यसअघि पहिलो लेगमा यी दुई टोलीले गोलरहित बराबरी खेलेका थिए।
