इंग्लिस प्रिमियर लिग फुटबलमा आर्सनलले एस्टन भिल्लामाथि संघर्षपूर्ण जित निकालेको छ।
लिग अन्तर्गत शनिबार राती भएको खेलमा एस्टन भिल्लालाई आर्सनलले १-० ले हराउँदै महत्वपूर्ण ३ अंक हात पारेको हो।
आर्सनललाई जिताउन बुकायो साकाले निर्णायक गोल गरे। उनले खेलको ३० औं मिनेटमा गोल गर्दै टोलीलाई सुरूआती अग्रता दिलाएका थिए।
पहिलो हाफसम्म १-० को अग्रता लिएको आर्सनलले दोस्रो हाफमा पनि उक्त अग्रता कायमै राख्दा विजयी भयो।
एस्टन भिल्लामाथि विजयी भएसँगै चौथो स्थानमा रहेको आर्सनलले २८ खेलमा ५४ अंक जोडेको छ। यता पराजित एस्टनले ३६ अंकसहित लिगको नवौं स्थानमा छ।
७० अंकसहित म्यान्चेष्टर सिटी लिगको शीर्ष स्थानमा छ। यस्तै ६९ अंक जोडेको लिभरपुल दोस्रो र ५९ अंक जोडेको चेल्सी तेस्रो स्थानमा छन्।
