ग्यारेथ बेलले दुई गोल गरेपछि वेल्सले फिफा विश्वकप २०२२ अन्तरगतको प्ले अफको सेमिफाइनलमा अष्ट्रियालाई हअराउँदै विश्वकप छनोट नजिक पुगेको छ ।
कार्डिफ सिटीमा बिहीबार राति भएको खेलमा वेल्सले अष्ट्रियामाथि २–१ ले नतिजा निकाल्दै प्ले अफको फाइनलमा प्रवेश गरेको हो।
खेलको २५औं मिनेटमा बेलले गोल गर्दै वेल्सलाई सुरूआती अग्रता दिलाए। पहिलो हाफसम्म १-० को अग्रता लिएको वेल्सले दोस्रो हाफको सुरूआतमै अग्रता दोब्बर पार्यो। खेलको ५१औं मिनेटमा बेलले व्यक्तिगत दोस्रो गोल गरे।
खेलको ६४ औं मिनेटमा मार्सल सवित्जरले गोल गर्दै अष्ट्रियालाई खेलमा फर्काए। तर त्यसपछि कुनै गोल नहुँदा वेल्सले खेल आफ्नो पक्षमा पार्दै फाइनलमा प्रवेश गरेको छ।
