अन्तर्राष्ट्रिय मैत्रीपूर्ण खेलमा फ्रान्सले आइभोरी कोस्टमाथि पूनरागमन जित निकालेको छ।
घरेलु मैदानमा पछि परेको अवस्था उल्ट्याउँदै फ्रनन्सले आइभोरी कोस्टमाथि २–१ को पुनरागमन जित निकालेको हो।
शुक्रबार राति भएको खेलमा घरेलु टोलीलाई जिताउन ओलिभर जिरूड र एरोलिइन चुओमेनीले गोल गरे। आइभोरी कोस्टका निकोलस पेपेले सुरूमा गरेको गोल सान्तवना बन्यो।
खेलको १९औं मिनेटमा निकोलस पेपेले गोल गर्दै आइभरी कोष्टलाई सुरूआती अग्रता दिलाएका थिए। तर, आइभोरी कोस्टको त्यो अग्रता लामो समय टिकेन। २२औं मिनेटमा ओलिभर जिरूडले गोल गर्दै घरेलु टोलीलाई १–१ गोलको बराबरीमा ल्याए।
पहिलो हाफ १-१ गोलको बराबरीमा सकिएको खेलको दोस्रो हाफको अन्त्यमा फ्रान्सले निर्णायक गोल गर्यो।
बराबरीतर्फ धकेलिएको खेलको इन्ज्युरी समयमा एरोलिइन चुओमेनीले गोल गर्दै फ्रान्सलाई पूनरागमन जित दिलाए।
