जर्मनीले इजरायलमाथि सहज जित निकालेको छ। अन्तर्राष्ट्रिय मैत्रीपूर्ण खेलमा इजरायलमाथि सहज निकाल्ने क्रममा जर्मनीले २-० को नतिजा हात पार्यो।
शनिबार राति भएको खेलमा जर्मनीलाई जिताउन काइ हार्भट्ज र टिमो वेर्नेरले एक एक गोल गरेका थिए।
खेलको २६ औं मिनेटमा हार्भट्जले गोल गर्दै जर्मनीलाई सुरूआती अग्रता दिलाए।
इन्जुरी समयमा वेर्नेरले गोल गर्दै जर्मनीलाई पहिलो हाफमै अग्रता दोब्बर बनाए।
दोस्रो हाफमा सुधारिएको प्रदर्शन गरेको इजरायलले गोल गर्ने केही राम्रो मौका गुमाउँदा खेलमा फर्कन सकेन।
इन्जुरी समयमा पाएको पेनाल्टीको मौकालाई कोहेनले खेर फाले। त्यसअघि खेलको ८९ औं मिनेटमा जर्मनीका थोमस मुलरले पनि पेनाल्टीमा गोल गर्न नसक्दा अग्रता बढाउने मौका गुमाएका थिए।
