स्पेनले अन्तर्राष्ट्रिय मैत्रीपूर्ण खेलमा अल्बानियामाथि संघर्षपूर्ण जित निकालेको छ।
शनिबार राति भएको खेलमा स्पेनले अल्बानियालाई २-१ गोल अन्तरले हराएको हो ।
स्पेनलाई जिताउन फेरान टोरेस र डानी ओल्मोले एक एक गोल गरे। अल्बानियाका मेर्टो उजुनीले एक गोल फर्काए ।
पहिलो हाफ गोलरहित बराबरीमा सकिएको खेलको ७५ औं मिनेटमा टोरेसले गोल गर्दै टोलीलाई अग्रता दिलाएका थिए।
८५ औं मिनेटमा उजुनीले गोल गरेपछि खेल १-१ को स्थितिमा पुग्यो।
त्यसपछि खेलको अन्तिम समयमा ओल्मोले गोल गर्दै स्पेनलाई संघर्षपूर्ण जित दिलाए।
