युइएफए च्याम्पियन्स लिग फुटबलको पहिलो क्वार्टरफाइनलमा लिभरपुल विजयी भएको छ।
युरोपियन च्याम्पियन्स लिग फुटबलअन्तर्गत क्वाटरफाइनलको पहिलो लेगमा इंग्लिस क्लब लिभरपुलले पोर्चुगिज क्लब बेनिफिकामाथि ३–१ को सहज जित निकालेको हो।
लिभरपुलको जितमा इब्राहिम कोनाटे, साडियो माने र लुइस डिआजले एक एक गोल गरे। बेन्फीका लागि डार्विन नुनेजले सान्त्वना गोल गरे।
लिभरपुललाई सुरूवाती अग्रता दिलाउने क्रममा इब्रहिमा कोनाटेले खेलको १७ औं मिनेटमा पहिलो गोल गरेका थिए। यस्तै खेलको ३४ औं मिनेटमा साडियो मानेले गोल गर्दै पहिलो हाफमा लिभरपुलको अग्रता दोब्बर बनाए।
पहिलो हाफमा सहज अग्रता बनाएको लिभरपुल विरूद्व बेनिफिकाले दोस्रो हाफको ४९ औं मिनेटमा गोल फर्काउँदै खेलमा फर्किएको थियो। डार्विन नुनेझले लिभरपुल विरुद्व गोल गरेका थिए। तर अग्रता साँघुर्याउने प्रयास गरे पनि डियाजले ८७ औं मिनेटमा लिभरपुलको अग्रता ३-१ मा पुर्याए।
एनफिल्डमा खेल नियन्त्रणमा राखेको लिभरपुलले बेनिफिकाको पोस्टमा आधादर्जन बढी प्रहार गरे पनि गोलरक्षकले अधिकांश प्रहार सफल हुन दिएका थिएनन्।
यो जितसँगै लिभरपुलले पहिलो लेगमानै २ गोलको अग्रता बनाउँदै सेमिफाइनल सम्भावना बलियो बनाएको छ।
अब लिभरपुलले १४ तारिखमा हुने दोस्रो लेगमा बेन्फिकालाई घरेलु मैदानमा खेल्नेछ।
