चेल्सीले इंग्लिस प्रिमियर लिगमा सानदार जित निकालेको छ।
लन्डन क्लब चेल्सीले साउथह्याम्टनमाथि उसकै मैदानमा ६–० को सानदार जित निकालेको हो।
चेल्सीलाई जिताउन मासन माउन्ट र टिमो वेर्नरले २-२ तथा मार्कोस अलन्सो र कार्ए हाभर्टजले समान १-१ गोल गरे।
खेलको आठौं मिनेटमा मार्कोस अलन्सोले गोल गर्दै सुरूआती अग्रता लिएको चेल्सीले १६ औं मिनेटमा अग्रता दोब्बर पार्यो। उसका लागि मासनले गोल गरेका थिए।
२१औं मिनेटमा टिमो वेर्नरले गोल गर्दै चेल्सीलाई ३–० ले अघि बढाए। ४१औं मिनेटमा हाभर्टजले गोल गदै चेल्सीलाई पहिलो हाफमा ४–० को अग्रता दिलाए।
दोस्रो हाफमा केही सुधारिएको प्रदर्शन गरे पनि घरेलु टोलीले चेल्सीको आक्रमण नरन्तर झेलिरह्यो। ४९ औं मिनेटमा टिमो वेर्नरले व्यक्तिगत दोस्रो गोल गर्दा चेल्सीले अग्रता ५-० मा पुर्यायो। त्यसको पाँच मिनेटपछि मासन माउन्टले व्यक्तिगत दोस्रो गोल गर्दा घरेलु टोली आधा दर्जन गोल अन्तरले पछि पर्यो।
यसपछि खेलमा गोल हुन नसकेपछि चेल्सीले सानदार जित निकाल्यो। यो सँगै चेल्सीले शीर्ष चारमा आफ्नो पकड बलियो बनायो। ३० खेलबाट ६२ अंक जोडेर तेस्रो स्थानमा यथावत रहेको चेल्सीले चौथो स्थानमा रहेको टोटनह्यामभन्दा ८ अंकले अघि छ।
शीर्षस्थाननको म्यानचेस्टर सिटीसँग १३ तथा लिभरपुलसँग १२ अंकले पछि छ। पराजित साउथह्याम्टन ३१ खेलबाट ३६ अंक जोडेर १३औं स्थानमा रहेको छ।
