मिला डर्बीमा जित निकाल्दै इन्टर मिलान कोपा इटालियाको फाइनलमा प्रवेश गरेको छ।
मिलानोमा मंगलबार राति भएको सेमिफाइनलको दोस्रो लेगमा एसी मिलानलाई ३–० ले हराउँदै इन्टर उपाधि नजिक पुगेको हो।
इन्टरले समग्रमा ३–० को जित निकालेको हो। यसअघि भएको पहिलो लेग गोलरहित बराबरीमा सकिएको थियो। इन्टरको जितमा लोउटारो मार्टिनेजले दुई तथा रोविन गोसेन्सले १ गोल गरे।
खेलको चौथो मिनेटमा नै मार्टिनेजले गोल गर्दै इन्टरलाई सुरूआती अग्रता दिलाएका थिए। ४०औं मिनेटमा मार्टिनेजले व्यक्तिगत र टोलीका लागि दोस्रो गोल गर्दै इन्टरलाई पहिलो हाफमा २-० को अग्रता दिलाए।
त्यसपछि खेलको ८२ औं मिनेटमा रोविन गोसेन्सले गोल गर्दै मिलानको सहज जित पक्का गरे।
यो जितसँगै फाइनलमा पुगेको इन्टरले अब उपाधिका लागि युभेन्ट्स वा फियोरेन्टिनाबीचको विजेतासँग आगामी मे ११ मा खेल्नेछ।
