भिल्लारियलमाथि इंग्लिस क्लब लिभरपुलले युइएफए च्याम्पियन्स लिग अन्तर्गत सेमिफाइनलको पहिलो लेगमा सहज जित हात पारेको छ।
लिभरपुलले स्पेनिस क्लब भिल्लारियलमाथि गए राती २–० को सहज जित निकालेको हो।
एनफिल्डमा बुधबार राति घरेलु टोलीलाई जिताउन साडियो मानेले गोल गरेका थिए। अर्को एक गोल उपहार पाएको थियो।
पहिलो हाफ गोलरहित बराबरीमा सकिए पनि लिभरपुलले दोस्रो हाफमा आत्मघाती गोलबाट अग्रता लियो।
५३औं मिनेटमा पर्भिस इस्टुपिनानले आत्मघाती गोल गरेपछि लिभरपुलले १–० को अग्रता लिन सफल भयो।
त्यसको दुई मिनेट पछि नै साडियो मानेको गोल गर्दै लिभरपुलको अग्रता दोब्बर पारे।
युभेन्ट्स र बायर्न म्युनिखजस्तो बलियो टोलीलाई पन्छाएको भिल्लारियलले लिभरपुलविरुद्ध भने सोचेअनुरुपको खेल देखाउन सकेन।
यो जितसँगै लिभरपुलले फाइनल पुग्ने सम्भावना बलियो बनाएको छ। यो सिजन चार उपाधि जित्ने आशा पनि जीवितै राखेको लिभरपुलले दोस्रो लेगमा यही नतिजा कायमै राख्न सके फाइनलमा पुग्नेछ।
भिल्लारयललाई फाइनल पुग्न घरेलु मैदानमा हुने दोस्रो लेगमा कम्तीमा पनि ३–० को जितको आवश्यक पर्छ । दोस्रो लेग भिल्लारियलको मैदानमा अर्को साता हुनेछ ।
