इंग्लिस प्रिमियर लिग फुटबलमा ब्राइटनसँग म्यानचेस्टर युनाईटेडले लज्जास्पद हार भोगेको छ। गएराति भएको खेलमा युनाइटेडमाथि ब्राइटनले ४-० गोल अन्तरले सानदार जित निकालेको हो।
ब्राइटनको जितमा मोइसेस, मार्क कुकुरेला, पास्कल ग्रोब र लिन्द्रो ट्रोसार्डले समान १-१ गोल गरे।
खेलको १५ औं मिनेटमा मोइसेसको गोल गर्दै ब्राइटने सुरूआती अग्रता लियो।
पहिलो हाफ १-० ले अघि रहेको ब्राइटनले दोस्रो हाफमा थप तीन गोल गर्दै सानदार जित निकाल्यो। खेलको ४९ औं मिनेटमा मार्क कुकुरेलाले गोल गर्दै ब्राइटनको अग्रता दोब्बर पारे।
५७ औं मिनेटमा पास्कल ग्रोबले गोल गर्दै ब्राइटनलाई ३-० को अग्रता दिलाए। त्यसको ३ मिनेटपछि लिन्द्रो ट्रोसार्डको गोल गर्दै ब्राइटनलाई ४-० को सहज जित दिलाए।
यो जितसँगै ब्राइटनले ३६ खेल ४७ अंक बनाउँदै नवौं स्थानमा रहेको छ। ५८ अंक जोडेको युनाईटेड छैठौं स्थानमा छ।
