स्पेनिस ला लिगामा रियाल बेटिसलाई २-१ ले हराउँदै बार्सिलोनाले आगामी सिजन च्याम्पियन्स लिगमा स्थान पक्का गरेको छ।
बार्सिलोनालाई ला लिगाको शीर्ष चारमा रहँदै आगामी सिजन च्याम्पियन्स लिगमा स्थान बनाउन बेटिसविरूद्ध स्पष्ट तीन अंकको आवश्यक थियो।
मड्रिडमा शनिबार भएको खेलको पहिलो हाफ गोलरहित बराबरीमा सकियो। दोस्रो हाफको ७६औं मिनेटमा अंशु फातीले गोल गर्दै बार्सिलोनालाई सुरूआती अग्रता दिलाए।
तर ७९औं मिनेटमा बार्टाले गोल गर्दै बेटिसलाई खेलमा फर्काए। लगभग बराबरीमा सकिन लागेको खेलको इन्जुरी समयको अन्तिम मिनेटमा अल्बाले गोल गर्दै बार्सिलोनालाई जिताए।
यो जितसँगै बार्सिलोना ३५ खेलबाट ६९ अंकसहित दोस्रो स्थानमा यथावत छ। जुन तेस्रो स्थानको सेभियाभन्दा पाँच र चौथो स्थानको एट्लेटिको मड्रिड भन्दा आठ अंक बढी हो ।
३५ खेलमा ५८ अंकसहित पाँचौ स्थानमा रहेको बेटिसको भने शीर्ष चारमा बस्दै च्याम्पियन्स लिग छनोट सम्भावना जीवितै छ।
