न्यूजिल्याण्डलाई हराउँदै कोस्टारिका फिफा विश्वकप फुटबल-२०२२ मा छनोट भएको छ।
अन्तर महादेशीय छनोटको प्ले अफ फाइनलमा मंगलबार राति न्युजिल्यान्डलाई १-० गोल अन्तरमा हराउँदै कोस्टारिका छैठौं पटक विश्वकपमा छनोट भएको हो।
कतारको दोहास्थित ऐमद बिन अली रंगशालामा भएको प्रतिस्पर्धात्मक खेलमा कोस्टारिकालाई जिताउन जोएल क्याम्पबेलले निर्णायक गोल गरे।
क्याम्पबेलले खेलको तेस्रो मिनेटमा गरेको गोल टोलीको जितमा प्रयाप्त बन्यो। ६९औं मिनेटमा कोस्टा बारबारौसेस रातो कार्ड पाउँदै बाहिरिएपछि न्युजिल्यान्ड १० खेलाडीमा समेटियो। त्यसपछि न्युजिल्यान्डको खेलमा फर्कन सकेन।
कोस्टारिकाको जितसँगै विश्वकपमा सहभागि सबै ३२ वटै टोलीको टुंगो लागेको छ ।
कोस्टारिका कतार विश्वकपमा छनोट हुने ३२औं राष्ट्र हो। कतार विश्वकपमा कोस्टारिकाले समूह ‘ई’ बाट स्पेन, जर्मनी र जापानसँग प्रतिस्पर्धा गर्नेछ। लगातार तेस्रो पटक विश्वकपमा स्थान बनाएको कोस्टारिका छैटौं पटक विश्वकपमा छनोट भएको हो।
यसअघि पहिलो पटक १९९० को विश्वकपमा छनोट भएको कोस्टारिकाले त्यसपछि सन् २००२, २००६, २०१४ र २०१८ मा विश्वकप खेलेको थियो।
कोस्टारिका २०१४ को विश्वकपमा क्वार्टरफाइनलमा पुगेको थियो।
फिफा विश्वकप आगामी नोभेम्बर २१ देखि डिसेम्बर १८ सम्म कतारका हुनेछ।
यी हुन् विश्वकप खेल्ने ३२ राष्ट्र
फ्रान्स ,जर्मनी, डेनमार्क, बेल्जियम, क्रोएसिया, स्पेन, सर्बिया, इङ्ग्ल्यान्ड, स्विट्जरल्यान्ड, नेदरल्यान्ड्स, पोर्चुगल, पोल्यान्ड र वेल्स
कतार, इरान, दक्षिण कोरिया, साउदी अरेबिया, जापान र अष्ट्रेलिया
ब्राजिल, अर्जेन्टिना, उरुग्वे, इक्वेडर
घाना, सेनेगल, ट्युनिसया, मोरोक्को र क्यामरुन
- उत्तर तथा मध्य अमेरिका (४)
क्यानडा, अमेरिका, मेक्सिको, कोस्टारिका
