अखिल नेपाल फुटबल संघ (एन्फा) को वरिष्ठ उपाध्यक्षमा वीरबहादुर खड्का निर्वाचित भएका छन्। आज भएको एन्फाको चुनावी साधारणसभामार्फत खड्का वरिष्ठ उपाध्यक्षमा निर्वाचित भएका हुन्।
खड्काले खसेको ८४ मत मध्ये ४४ मत पाउन सके। उनका प्रतिस्पर्धी शिक्षित पराजुलीले ४० मत प्राप्त गर्न सके।
यसअघि अध्यक्षमा पंकजबिक्रम नेम्बाङ ४५ मतका साथ विजयी भएका थिए। नेम्बाङले ३९ मत ल्याएका कर्माछिरिङ शेर्पालाई हराए।
वरिष्ठ उपाध्यक्षमा विजयी खड्का नेम्बाङ प्यानलका हुन् भने पराजित पराजुली शेर्पा प्यानलका हुन्।
