रोमेलु लुकाकु इन्टर मिलान फर्किएका छन्। इंग्लिस क्लब चेल्सी गएको एक वर्षपछि नै बेल्जियन फरवार्ड लुकाकु एक वर्षको लागि लोनमा इन्टर मिलान फर्कन लागेका हुन्।
इन्टरले बुधबार राति लुकाकुलाई अनुबन्ध गरिएको जनाएको छ। लुकाकु एक सिजनपछि लोनमा इन्टर फर्किएका हुन्।
इन्टरले लुकाकुका लागि करिव ८० मिलियन युरो लोन शुल्क तिर्न सहमत भएको छ।
चेल्सीले लुकाकुलाई गत वर्ष इन्टरबाट क्लबको कीर्तिमानी ९७.५ मिलियन पाउण्डमा अनुबन्ध गरेको थियो। लुकाकुले चेल्सीसँग ५ वर्षको सम्झौता गरेका थिए।
लुकाकुले गत सिजन चेल्सीका लागि कुल १५ गोल गरेका थिए । यस्तै २६ प्रिमियर लिगमा ८ गोल गरेका थिए ।
लुकाकुले इन्टरमा ९० नम्बरको जर्सी लगाउने भएका छन्।
दुधमा पानी मिसाएर दिन्थिन् आमा, बाका प्वाल परेका जुत्ता लाएर गोल हान्थे लुकाकु
