प्रि-सिजन भ्रमणमा रहेको नेपालको ए डिभिजन क्लब न्युरोड टिम (एनआरटी) ले अर्को खराब नतिजा बेहोरेको छ।
एनआरटीलाई आइतबार भएको खेलमा थाइल्यान्डको शीर्ष डिभिजनको लिग खेल्ने क्लब चोनबुरी एफसीले ९-० गोलको फराकिलो अन्तरले पराजित गरेको हो।
यसअघि बिहीबार भएको खेलमा एनआरटीलाई थाइल्यान्डको तेस्रो डिभिजनको लिग खेल्ने क्लब कसेम बुन्डित युनिभर्सिटी एफसीले ५-२ गोलले पराजित गरेको थियो।
एनआरटी मलेसियाको भ्रमण सकेर थाइल्यान्ड पुगेको हो। अब एनआरटीले भ्रमणको अन्तिम खेलमा थोनबुरीसँग बुधबार प्रतिस्पर्धा गर्नेछ।
थाइल्यान्ड जानुअघि एनआरटीले मलेसियामा टिवाइटी कप खेलेको थियो।
जसमा मलेसिया पहिलो खेलमा इन्डोनेसियाको दोस्रो डिभिजनको क्लब कारोसँग ५-१ र दोस्रो खेलमा मलेसियाको सुपर लिग क्लब पेनाङ एफसीसँग ५-० गोलले पराजित भएको थियो।
मलेसिया भ्रमणमा दुई खेलमा १० गोल खाएको एनआरटीले थाइल्यान्डमा खेलेका सुरुवाती दुई खेलमा १४ गोल खाइसकेको छ।
