नेपाली राष्ट्रिय फुटबल टिमकी स्ट्राइकर सावित्रा भण्डारी 'साम्बा' भारतको महिला आइ लिग च्याम्पियन गोकुलम केरलामा आबद्ध भएकी छिन्।
सावित्रा एएफसी महिला क्लब च्याम्पियनसिपका लागि क्लबमा आबद्ध भएकी हुन्।
च्याम्पयनसिप आगामी अगस्ट १५ देखि हुँदैछ। जहाँ भारतको गोकुलमसहित इरान, जोडर्न र उज्वेकिस्तानका क्लबले भाग लिनेछन्। समूह चरणको खेल उज्वेकिस्तानमा हुँदैछ।
एक वर्ष मैदान बाहिर रहेकी साम्बा ६ महिनाअघि मैदान फर्किएकी थिइन्।
साम्बा दुई वर्षअघि पनि गोकुलममा आबद्ध भएकी थिइन्। त्यसअघि भने साम्बाले सेथुबाट आइलिग खेलेकी थिइन्।
