जर्मन क्लब बायर्न म्युनिखले इटालियन क्लब युभेन्टसका डच डिफेन्डर म्याथिज डि लिटलाई भित्र्याएको छ। उनीसँग ७७ मिलियन युरो (६५.६ मिलियन पाउण्ड) मा पाँच वर्षको सम्झौतामा गरिएको छ।
डि लिट जुलाई २०१९ मा अयाक्सबाट पाँच वर्षको सम्झौतामा युभेन्ट्स गएका थिए। युभेन्ट्समा उनले तीन सिजन बिताए।
२२ वर्षीय लिटले युभेन्ट्सबाट ११७ खेलमा एक सिरी ए र एक कोपा इटालिया जितेका थिए।
युभेन्ट्सबाट बार्यनमा आबद्ध भएसँगै उनले खुसी व्यक्त गरेका छन्।
बायर्नको ट्रान्सफर रेकर्ड सन् २०१९ मा डिफेन्डर लुकास हर्नान्डेजका लागि एट्लेटिको म्याड्रिडबाट ८० मिलियन युरो खर्चनु हो।
बायर्नले लिभरपुलबाट साडियो माने र आयाक्सबाट राइट ब्याक नोसाइर माजराउईलाई पनि भित्र्याएको छ। यता बार्यनका स्ट्राइकर रोबर्ट लेवान्डोस्कीलाई ५० मिलियन युरो (४२.६ मिलियन पाउण्ड) को सम्झौतामा बार्सिलोनाले अनुबन्ध गरेको छ।
