बेल्जियमलाई स्तब्ध पार्दै स्वीडेन महिला युरो च्याम्पियनसिपको सेमिफाइनलमा प्रवेश गरेको छ।
बेल्जियमलाई १–० ले हराउँदै स्वीडेनले अन्तिम चारमा स्थान पक्का गरेको हो।
लेइग स्पोर्ट्स भिलेज ग्रेटर म्यानचेस्टरमा शुक्रबार राति भएको खेलको इन्ज्युरी समयको दोस्रो मिनेटमा लिन्डा सेमब्रान्टले गोल गर्दै स्वीडेन सेमिफाइनलमा पुगेको हो।
अत्यन्त रोमाञ्चक र प्रतिस्पर्धात्मक बनेको खेलमा दुवै टोलीबाट गोलका केही अवसर सिर्जना भए पनि जतिजाका लागि इन्ज्युरी समयको अन्तिम समय कुर्नु परेको थियो।
अब स्वीडेनले फाइनल प्रवेशका लागि आयोजक इंग्ल्यान्डसँग मंगलबार प्रतिस्पर्धा गर्नेछ।
स्पेनलाई २-१ ले हराउँदै इङ्ल्याण्ड सेमिफाइनलम प्रवेश गरेको हो।
अब अन्तिम क्वाटरफाइनलमा आज राति फ्रान्स र नेदरल्यान्ड्सबीच प्रतिस्पर्धा हुँदैछ। यसको विजेताले फाइनल प्रवेशका लागि जर्मनीसँग खेल्नेछ।
