साफ यू-२० च्याम्पियनसिपअन्तर्गत आज नेपालले आफ्नो दोस्रो खेल खेल्दैछ।
भारतको भुवनेश्वरमा भइरहेको प्रतियोगिता नेपालले आज श्रीलंकासँग भिड्न लागेको हो। खेल नेपाली समयअनुसार साँझ सवा सात बजे सुरु हुनेछ।
यसअघि नेपालले आफ्नो पहिलो खेलमा सानदार सुरुवात गर्ने क्रममा माल्दिभ्सलाई ४-० गोलले पराजित गरेको थियो।
सोमबार भएको उद्घाटन खेलमा नेपालका लागि दिपेश गुरुङ, सुगम सुवाल, कृतिशरत्न छुन्जु र मनग्य नकर्मीले गोल गरेका थिए।
सोमबार नै भएको खेलमा बंगलादेशले श्रीलंकामाथि १-० को जित निकालेको थियो।
आज नेपालले श्रीलंकासँग भिड्नुअघि भारतले आफ्नो पहिलो खेल खेल्दैछ। घरेलु टिम भारतले आज बंगलादेशसँग खेल्न लागेको हो।
