सिजनको लिग सुरू हुनुअघि भएको मैत्रीपूर्ण खेलमा इंग्लिस क्लब म्यानचेस्टर युनाइटेड पराजित भएको छ।
म्यानचेस्टरलाई स्पेनिस क्लब एट्लेटिको म्याड्रिडले १-० गोलले पराजित गर्यो।
नर्वेमा भएको खेलमा एट्लेटिको जितमा जोआओ फेलिक्सले खेलको ८६ मिनेटमा गोल गरेका थिए।
यता अर्को मैत्रीपूर्ण खेलमा इंग्लिस क्लब आर्सनलले स्पेनिस क्लब सेभियालाई ६-० गोलले पराजित गर्यो।
आर्सनलका लागि बुकायो साकाले १० र १९ मिनेटमा गोल गर्दा गाब्रियल जेससले ह्याट्रिक गरे। जेससले १३, १५ र १७ मिनेटमा गोल गरे। खेल आर्सनलको मैदानमा भएको थियो।
