केरला वुमन्स लिगको पहिलो खेलमा नेपाली फरवार्ड साबित्रा भण्डारी `साम्बा´ले उत्कृष्ट प्रदर्शन गरेकी छिन्।
बुधबार भएको केरला युनाइटेड विरुद्धको खेलमा गोकुलम केरलाकी फरवार्ड साम्बाले ह्याट्रिकसहित पाँच गोल गरिन्।
खेलमा केरला ११-० गोलले विजयी भयो भने साम्बा प्लेयर अफ दि म्याच भइन्।
पहिलो हाफमै नेपालकी साम्बाले ह्याट्रिकसहित ४ गोल गरेकी थिइन भने एक गोलका लागि एसिस्ट पनि गरेकी थिइन्।
पहिलो हाफमा केरला युनाइटेडविरुद्ध गोकुलम केरलाले ६ गोल गर्दा दोस्रो हाफमा ५ गोल थपेको थियो।
