अखिल नेपाल फुटबल संघ (एन्फा) को केन्द्रीय कार्यसमिति बैठकले सिजनको सहिद स्मारक ए डिभिजन लिगदेखि सी डिभिजन छनोटका लागि मिति प्रस्ताव गर्ने निर्णय गरेको छ।
एन्फाको बिहीबारको बैठकले असोजमा सी डिभिजन लिगको छनोट गर्ने निर्णय गरेको छ।
सी डिभिजन छनोट असोज १ गतेको मिति प्रस्ताव गरिएको छ।
त्यसपछि ए डिभिजन लिग पुस ८ गतेदेखि चैत पहिलो सातासम्म गर्ने मिति तय भएको छ।
बी डिभिजन लिग चैत ६ गतेदेखि गर्न प्रस्ताव गरिएको छ।
यस्तै सी डिभिजन लिग आगामी वैशाख १८ गतेदेखि गर्ने प्रस्ताव गर्ने निर्णय भएको छ।
