अल्मेरियालाई २-१ ले हराउँदै स्पेनिस ला लिगामा साविक विजेता रियल म्याड्रिडले विजयी सुरूआत गरेको छ ।
अल्मेरियाको घरेलु मैदान पावर हर्स स्टेडियममा १० मिनेटभित्रै १–० ले पछि परेको थियो। अल्मेरियाका लागि खेलको छैठौं मिनेटमा लार्गी रमाजानीले गोल गर्दै सुरुआति अग्रता दिलाएका थिए ।
पहिलो हाफमा १-० ले पछि परेको रियल ६१औं मिनेटमा लुकास भाजक्युजको गोलबाट खेलमा फर्कियो।
७४औं मिनेटमा डेविड अलावाले उत्कृष्ट फ्रिकिक गोल गरेपछि रियलले तीन अंक पक्का गरेको थियो।
