इंग्लिस प्रिमियर लिगमा म्यानचेस्टर सिटीले उत्कृष्ट पुनरागमन जित हात पारेको छ।
पहिलो हाफमा दुई गोलले पछि परेको सिटीले दोस्रो हाफमा चार गोल गर्दै क्रिस्टल प्यालेसलाई ४-२ गोलले पराजित गर्यो।
साविक विजेता सिटीको उत्कृष्ट जितमा इर्लिङ हाल्यान्डले ह्याट्रिक पूरा गरे।
सिटी पहिलो हाफमै दुई गोलले पछि पर्यो। स्टोन्सले चौथो मिनेटमा आत्मघाती गोल गर्दा प्यालेसलाई फाइदा पुग्यो। २१ मिनेटमा प्यालेसका एन्डर्सनले अग्रता दोब्बर पारे।
दोस्रो हाफमा सिटी आक्रामक बन्यो। ५३ मिनेटमा बेर्नान्डो सिल्भाले गोल गर्न सफल भए।
त्यसपछि इर्लिङ हाल्यान्डले ६२, ७० र ८१ मिनेटमा गोल गर्दै ह्याट्रिक पूरा गरे।
जितसँगै सिटीले चार खेलबाट १० अंक जोड्दै शीर्ष स्थानमा उक्लिएको छ।
