बार्सिलोनाले स्पेनिस ला लिगामा सानदार जित निकालेको छ। क्याटलान क्लब बार्सिलोनाले घरेलु मैदानमा गएराति रियल भालाडोलिडमाथि ४–० को फराकिलो जित निकालेको हो।
बार्सिलोनालाई जिताउन रोबर्ट लेवान्डोस्कीले दुई तथा पेड्रो र सर्जी रोबर्टोले समान एक-एक गोल गरेका थिए।
खेलको २४औं मिनेटमा लेवान्डोस्कीको गोल गर्दै बार्सिलोनालाई सुरूआती अग्रता दिलाएका थिए। ४३औं मिनेटमा पेड्रीले गोल गर्दै बार्सिलोनालाई पहिलो हाफमा २-० ले अग्रता दिलाए।
खेलको ६४ औं मिनेटमा लेवान्डोस्कीले व्यक्तिगत दोस्रो तथा टोलीका लागि तेस्रो गोल गरे। त्यसपछि इन्ज्युरी समयमा सर्जी रोबर्टोले गोल गर्दै बार्सिलोनालाई ४–० को सहज जित दिलाए ।
यो जितसँगै ला लिगामा बार्सिलोना तेस्रो स्थानमा उक्लिएको छ। अपराजित रहेको बार्सिलोना पहिलो खेलमा रायो भालेकानोसँग बराबरीमा रोकिएको थियो।
त्यसपछि लगातार दोस्रो जितसँगै बार्सिलोना तीन खेलबाट ७ अंक जोडेर तेस्रो स्थानमा रहेको छ। पराजित रियल भालाडोलिड १ अंक जोडेर १९औं स्थानमा छ।
