इंग्लिस प्रिमियर लिग फुटबलमा टोटेनहम हटस्परले नटिङघम फरेस्टमाथि सहज जित निकालेको छ।
दि सिटी ग्राउन्ड नटिङघममा आइतबार राति टोटेनहमलाई जिताउन ह्यारी केनले दुई गोल गरे।
खेलको पाँचौं मिनेटमा केनले गोल गर्दै टोटेनहमलाई सुरुआती अग्रता दिलाएका थिए।
पहिलो हाफमा १-० ले अघि रहेको टोटेनहमले दोस्रो हाफमा थप एक गोल गर्यो। खेलको ८१औं मिनेटमा केनले व्यक्तिगत र टोलीका लागि दोस्रो गोल गर्दै टोटेनहमलाई २–० को सहज जित दिलाए।
त्यसअघि खेलको ५६औं मिनेटमा केन पेनाल्टीमा चुकेका थिए।
यो जितसँगै ४ खेलबाट तेस्रो जित निकालेको टोटेनहम तेस्रो स्थानमा छ। समान १० अंक भए पनि आर्सनल र म्यानचेस्टर सिटी गोल अन्तरका आधारमा शीर्ष दुईमा छन्। पराजित नटिङघम ४ अंक जोडेर तालिकाको १४औं स्थानमा छ।
