अखिल नेपाल फुटबल संघ (एन्फा) ले हन्ड्रेड स्पोर्ट्स म्यानेजमेन्ट प्राइभेट लिमिटेडसँग काठमाडौंमा हुने साफ महिला च्याम्पियनसिपका लागि मार्केटिङ, ब्रोडकास्टिङ र टिकटिङ सम्झौता गरेको छ।
सातदोबाटोस्थित एन्फा कम्प्लेक्समा एन्फाका महासचिव किरण राई र स्पोर्ट्सका संस्थापक तथा प्रबन्ध निर्देशक रवीन्द्र भाटीले समझदारीपत्रमा हस्ताक्षर गरे।
स्पोर्ट्ससँग अब च्याम्पियनसिपका लागि विशेष टिकटिङ, मार्केटिङ र प्रसारण अधिकार हुनेछ।
कम्पनीसँग प्रतिस्पर्धाको गैर-विशेष डिजिटल अधिकार पनि हुनेछ।
साफ च्याम्पियनसिप सेप्टेम्बर ६ देखि १९ सम्म काठमाडौंमा हुनेछ। यसपटकको साफमा सात टिमले भाग लिँदैछन्।
