स्पेनिस ला लिगामा रियल म्याड्रिडले विजयी यात्रालाई कायमै राखेको छ।
्शनिबार भएको खेलमा रियलले अंक तालिकाको दोस्रो स्थानको रियल बेटिसलाई २-१ गोलले पराजित गर्यो।
रियलका लागि भिनिसिय जुनियरले नवौं मिनेटमा गोल गरेका थिए।
तर बेटिसका सर्जियो कानालेसले १७ मिनेटमा बराबरी गोल फर्काउन सफल भए।
खेलको ६५ मिनेटमा रियलले खेलमा दोस्रो पटक अग्रता लियो। उसका लागि रोद्रिगोले गोल गर्दै २-१ को अग्रता दिलाए।
जितसँगै शीर्ष स्थानको रियलले ४ खेलबाट १२ अंक जोडेको छ। दोस्रो स्थानको बेटिसको ९ अंक छ।
एक खेल कम खेलेको तेस्रो स्थानको बार्सिलोनाको ७ अंक छ।
